Nggo Apa Kongres?

  Kamis, 21 November 2019   Abdul Arif
Dr Muntoha Nasuha. (dok)

AYOTEGAL.COM-- Kanca-kanca sastrawan tegalan pan nganakena kongres kaping siji. Dinane Selasa, tanggale nembelikur wulan saiki, ya jelas taune 2019. Enyong melu rembugan sauwise tempate nang kampus Universitas Pancasakti (UPS) Tegal.

Mauneng enyong mikir kamben takon, Jan-jane apa sih istimewane basa tegalan? Yongan waktu enyong egin sekolah angger ketemu wong Semarang, solo, lan Jogya malah nggo poyokan. Monine bahasa kasar, nadane kasar, omongane bloakan, uga banter2an.

Eh suwe-suwe basa tegalan kena nggo hiburan. Buktine saben krungu cara ngobrole wong tegal, dadi perhatian lan terus dadi kajian. Nganti digoleti lewat kongres ana apa. 

Kuwe kawujud yen basa lan sastra tegalan dadi salah sijine kebudayaan sing dianggep penting. Liwat kongres bisa dipahami sejatine sastra tegalan, diakui keberadaannya, dan terus bisa dikembangna lan dadi sang saya duwur martabate. 

Sastra tegalan kuwe pucuk-pucuke basa pilihan, kayata puisi, wangsalan, cerpen, pantun, lan liya-liyane sing sajenis. Apa maning ora mung UPS-FKIP-Progdi Bahasa dan Sastra Indonesia lan daerah, tapi Yayasan Pendidikan Pancasakti ndukung nemen anane kongres. 

Malah saiki ora tanggung-tanggung, Walikotane Tegal ngongkon yen pesertane aja mung rongatus, tapi sanduwure telung atus. Kurang biaya? Pemkot siap menanggung.

Keterlibatan pirang-pirang perguruan tinggi non tegal, kayadene Unikal, UI, IPB, lan Undip, sangsaya bergengsi. Sastra tegalan setara kambe sastra daerah liya sing wis luwih ndisit anane. Muga- muga lancar lan sukses.

-Dr Muntoha Nasuha, pendukung berat anane kongres

   Ayo Bagikan!
Ayo Respon
   Komentar

Komentar sepenuhnya menjadi tanggung jawab pribadi seperti diatur dalam UU ITE

Komentar