[Cerita Tegalan] Dikerjani Ora Krasa

  Selasa, 22 Desember 2020   Dwi Ariadi
Mohammad Ayyub, Sastrawan Tegalan

AYOTEGAL.COM - Rumangsa pengin ngajeni maring tanggane' sing nembe buka usaha tukang cukur, Bujang nduwe niat pan cukur rambut. Asli! sebenere' deweke' males cukur rambut. Wong deweke' egin seneng rambut gondrong. 

Apa maning krungu kabar kusus kanggo tanggane' mbayare sekarepe' alias sonder tarip. Bujang teka maring lapake' ndilalah kosong dadi bisa langsung dicukur rambute'. Kur rong puluh menit wis rampung. Bisane' cukur rambute' gelis sebab modele' gampangan, modele' meh gundul. Saate' mbayar Bujang kaget ora nyana tanggane' ngarani regan ora kaya kabar sing deweke' krungu. Karo balik deweke' nggremeng : melune' Nyong korban hoax, mung nang ati gel.
\n 
\nWayah bar Isya Bujang nekani tanggane' sebelah kidul umah sing nganakna slametan. Teka mono wong-wong wis pada kumpul,jejagongan lesehan. Bujang krasa wong-wong pada clingukan ngrasani deweke'. 

Senajan ketutup kupluk ireng dideleng katon sejen. Ya,model rambut gondrong kunciran wis laka. Pancen laka suara mung wong-wong nganggo basa awak. Delengna bae,pikire',,wong delat maning acara slametan pan molai.

Kira-kira telung puluh menit acara slametan maca qur'an,tahlil lan ndonga wis pragat. Sedurunge' bubaran berkat dibagi rata maring sing pada slametan. Seliyane' wadah berkate' apik ana tas uga isi berkate' melune' pentol. Pimen ora pentol ? Sijine lawuh ayam kampung wutuh tur gede. 

AYO BACA : Dedy Yon Minta TPID Jaga Inflasi dan Stabilitas Harga Jelang Nataru 2021

Sekrungune' Bujang sing nganakna slametan melune' wong royal nang kampunge. Ning nganakna apa-apa attawa tuku barang apa bae go keperluan deweke' mesti hebat,ora kena ana sing nyalip.

Seminggu sawise acara slametan ana ge'ge'ran. Crita cangkem maring cangkem jare ayam-ayam sing kanggo slametan barang olih  nyolong . 

Dengaren sewulan sedurunge' acara slametan geger nang kampunge' Bujang akeh ayam ilang. Tapine' bisa ora konangan. Krungu-krungu jare   nganggo ilmu gaib arane' aji sirep. Tur ora langsung ilang sedina-rong dina kuwe tapine' diselang-seling waktune'. Maksude' ndean eben ora ketara. Maling jaman seki pentol-pentol, pikire' Bujang.

Kampunge' Bujang arane' Ponari. Jare sing nduwe crita arane' Ponari asale' ana kodrah kaping siji. Critane' kaya kiye' :
\nPonari kuwe arane' bocah . Geger nang kampung banyu sing metu seka padasan umahe'. Ponari nduwe tuah. Penyakit apa bae bisa waras nganggo banyu padasan mau. Ana sing diraupi raine attawa dikumur-kumur uga dinung bisa langsung waras. Apa jare larane'. Sing ajib maning banyu padasane mili terus ora tau kentongan. Mulane' wong seka ndi-ndi ora pada teka mono. Kabar sing viral bisa nambani lara apa bae.

AYO BACA : Apel Kesiapan Operasi Lilin Candi 2020, Bupati Tegal: Ciptakan Rasa Aman dan Nyaman

Jare crita adol ndean banyu padasan kuwe sering dinggo adus Ponari. Waktu samana Ponari golet kayu bakar nang utan ora sengaja nemu watu. Tapine'dudu watu  biasa sebab metu sinare' kinclong pisan. Arane' bocah watu mau digawa balik umah tres dicemplungna gon padasan. Bapane' ora pranti-pranti ndadak pengin adus gon padasan. Ndilalah gatel-gatel nang awake' angger kumat gatele' ndubila belis ilang blas. Asale' tah penasaran bisane' padasan katon padang jebul ana watune' sing nggawe padang.

Akhire' banyu padasan Ponari viral. Wong sekampung kenal kabeh,uga wong kampung liya krungu pada teka mono.  Paling ora, pikire' wong-wong, bisa olih banyu sebotol mbuh apa lumayan. Akibate' saben dina umah Ponari akeh wong ngantri njaluk banyu. Kampung Ponari tambah rame wong dodolan,tukang parkir ketiban rejeki. Tangga teparo Ponari  uga ketiban duren tiba,olih rejeki dadakan. Luwih-luwih sing nduwe latar amba kena kanggo area parkir. Kotak amal nang mushola,masjid cepet kebek anane' sumbangan seka tamu-tamune' Ponari.

Senajan Ponari ora tau ngregani banyu,sekarepe',seikhlase sing nei. Saking akehe' sing ngantri sampe ana crita ngenes nang ati bekas banyu adus Ponari be ditampani. Ana bae wong sing gelem nadahi bekas banyune' lewat selokan buangan banyu adus. Kejaba beleh wajar tetep bae wong percaya bekas banyune' esih bisa nambani lara apa bae.

Tresan ora suwe ana Kodrah kaping siji nang kampunge' Ponari. Bapane' Ponari disurung-disurung men melu Kodrah. Tangga sekampung,tetamu , termasuk Bujang dipercaya dadi tim sukses. Asale' Waud, bapane' Ponari kurang pede akhire' wani maju melu Kodrah. Apa maning ana Juragan ayam karo Juragan embe siap mbiyayai .Wis bisa ditebak Waud menangi Kodrah . Telung kampung asale' laka aran akhire' diarani Ponari .

Jebul nembe setaun dadi kepala Dusun wis katon asline',ngempra. Ora jegod dadi pemimpin. Ngurusi urusane' dewek karo rong Juragan sing mbiyen ngongkosi deweke'. Apa maning Bujang selugune- wis ngarti suwe yen banyu padasan  akal-akalene' bapane' Ponari. Pimen maning  ibarate' sega wis dadi bubur Bujang melune' kena hoax maning. Pragat

Mohammad Ayyub, Sastrawan Tegalan

AYO BACA : Dedy Yon: Waspadai Klaster Ruang Publik saat Malam Tahun Baru 2021

  Tag Terkait

   Ayo Bagikan!
Ayo Respon
   Komentar

Komentar sepenuhnya menjadi tanggung jawab pribadi seperti diatur dalam UU ITE

Komentar