[Cerita Tegalan] Bujang Reunian (2)

  Minggu, 17 Januari 2021   Dwi Ariadi
Mohammad Ayyub, Sastrawan Tegalan.(dok)

AYOTEGAL.COM - Sawise Imron nyruput wedang gaweane' Peni sampe setengah gelas  Bujang ngomong, " beneran wis kowen melu maring kajine'".

Mung gon atine' Bujang Imron kayong kurang sehat. Tebakane' Bujang bener ora suwe deweke' crita nembe kena stroke telung wulan. Seki mending semadan waras. Durung waras blas. Nang dayike' jelas katon.

Tekan umah kaji Wartono deweke' wis nunggu nang teras. Bujang takon sawise markir motor butute', " kenal wong kiye' ora ji ?" Kajine' nyawang suwe tres ngomong, " ndelen copot topi karo maskere' " kajine' langsung nebak.

"Oh kiye' Imron Suradadi. Jaman sekolah motore' apik dewek." Maksude' Suradadi aran kampunge' Imron.

AYO BACA : Berlokasi di Talang Tegal, Idza: Makam Bupati Brebes KH Syatori Perlu Dipugar

" yuh njagong Mron. Nunggu kanca liyane' delat maning teka." Kajine' ngajak Imron njagong. Bujang wis njagong kit mau.
Ora suwe sing ditenteni teka mipil. Sofi,Wildan,Misbah,Rohman lan Krisnohadi. 

Niate' pan mastikna tempat go kumpul reuninan. Sedurunge' wis maring cafe Nakula tutup. Omong nduwe omong akhire diputusna nang kancane' dewek rumah makan Sate ayam Margasari pa Misbah. Idep-idep nguri-uri usaha kanca dewek.

Pancen sih sedurunge' Thio Riyono,bos sijine L1, bolak-balik ngebel Bujang. Maksude' deweke' ngabari yen melu urun kanggo acara reuni. Batonan karo kaji Wartono adi sepupune'. Ndilalah hape Bujang lagi wanyad dadi ora tau nyambung. Melas temen kang Thio pengin gendu-gendu rasa karo Bujang rung klakon.

Dina sing dinteni kanca-batir teka. Rebo tanggal 30 wulan rolas taun 2020. Siji turut siji anjog mipil. Trup karo jumlah sing ndaptar gon grup. Sing ora bisa teka nontone'  lewat hape,wujude' poto mbuh tayangan video.

AYO BACA : Bujang Reunian (1)

Acara reuni molai jam 10 punjul. Ustad Drajat L1 mbuka acara maca fatehah. Tresan acara ndonga kanggo kanca-batir sing almarhum. Kabeh ana sanga alumni kelebone' Nasrun Amin bojone' Daryanti L1. Uga ndoga kanggo kanca-batir men cepet waras, ana telu alumni. Sehat,bregas maning.Bisa kumpul bareng kanca-batir.

Selanjute' acara gendu-gendu rasa. Kaping siji bos-bos wakile' L1 lan ditrusna wakli L2. Nembe liyane',bebas. Pan nembang go hiburan olih. Crita lucu jaman sekolah silakan. Sing penting rahat tur khidmat. Buktine'  ana temongan sedekah seanane' kanggo kanca batir sing kena lara. Jumlahe' lumayan bisa dibagi wong telu. Rasan kabeh.

Acara reuni pragat pas  Dhuhur. Acara ditutup mangan sate ayam  bareng-bareng. Kabeh seneng. Kabeh ikhlas. Sing tibane' ana pengangen- angen, ning bisakha mbesuk-mbesuk diterusna. Men silaturahmi tetep jalan. Paseduluran ora pedot. Mung catetane' Bujang mestine kanca siji kiye kudu ditulung. Kudu luwih olih perhatian kanca batir. 

Utamane'sing wis pada dadi juragan. Sebab uripe paling rekasa dewek ketimbang liyane'. Tapine' salute' Bujang bocah kiye' laka omonge'. Isin njaluk-njaluk. Sapa bocahe' ? Bujang wis janji ora pan mbuka  arane' !. 

Mohammad Ayyub, Sastrawan Tegalan

AYO BACA : Keluh Kesah Penjual Burung di Kota Tegal, Love Bird Rp 15 Juta Kini Hanya Ratusan Ribu

  Tag Terkait

   Ayo Bagikan!
Ayo Respon
   Komentar

Komentar sepenuhnya menjadi tanggung jawab pribadi seperti diatur dalam UU ITE

Komentar