[Cerita Tegalan] Puputan

  Sabtu, 27 Februari 2021   Dwi Ariadi
Mohammad Ayyub.(dok)

AYOTEGAL.COM -- Meh wayah Dhuhur ana suara klakson motor. Suarane' klakson kabeh seumah wis apal. Malah tukang Pose' uga kenal arane' kang Jali. Uwonge' esih enom,durung nyandak telungpuluh lima taun. 

Anake' kur siji nembe limang taun. Mane' kadang sela menei gedang sesisir. Arane' tukang Pos langganan suwe,wis dianggep kaya sedulur dewek.

Peni sing metu ndisit. Mapag kang Jali karo takon,
\n\" surat kang ?\"
\n\" dudu yu. Undangan puputan.\" jawab kang Jali.
\n\" seka sapa kang ?\"
\n\" kang Aryadi,yu \". 
\n\" sapa yah ?\",batin Peni. Gon amplope' tulisane' kanggo Bujang sekluarga. Peni ora wani mbuka langsung balakna Bujang.

Bujang ketemu kang Aryadi saben-saben acara budaya utamane' Sastra Tegalan. Maca puisi,diskusi bedah buku lan crita Tegalan. Kang Aryadi pancen tau ngomong yen pengin nduwe koran online. Waktu kuwe Bujang anggepe' mung lomas-lamise' lambe. Ora nyana seki kirim undangan puputan. Laire' bayi koran online sing lagi jamane. Soale' koran cetakan wayah mene kurang payu.

Pikire' Bujang undangan kanggo deweke' sekluarga berarti olih ngejak Mane' uga Peni. Mung sing lagi dipikir arep ngado apa maring kang Aryadi ? Cut ? Kayong lagi seret. Dompet isine surat-surat motor gel. Njaluk cut Mane' go tuku buku sastra ora nduwe rai. Yipik ah !

Ujug-ujug seklentaban ketemu ilham. Ora nyadar deweke' mesem dewek. Seg-seg mlebu kondonge'. Njagong karo nyekel pulpen nang adepane' wis ana kertas salembar. Suwe nyawang kertas karo pulpene' diputer-puter. Rung ketemu tulisan sing pas nembe judul karo telung baris puisi mandeg. Kayong cupet. Pikirane Bujang srang-srangen. Ora madep.

Dina Lairan

AYO BACA : Dirikan 20 Portal di Luar Jawa, Ayo Media Network Siap Ekspansi Besar-besaran

Dudu jendela biasa
\nora mung gawe padang
\nuga angin mlebu gawe adem.....?

Karo nyambi narik napas deweke' buka jendela kondong. Latane' nyawang tanduran gon tanah sepetak. Yen diterusna ketemu lawang mburi. Ambane' kira-kira semeteran luwih rong puluh senti.

Akhire... jalaran ketekan ilham dadi tulisane lancar. Mbuh kuwe bab nyawang tanduran mbuh bae' sing penting kasil.

Dina lairan

Dudu jendela umume'
\nora mung nggawe padang
\nangin mlebu ndadak ademe'
\npikiran uga jembar
\nkiye maksude' lambang
\nibarate' gambare' jendela
\nning ilmu kuwe amba
\nana wujude' tulisan buku
\nuga ana koran lan majalah
\nwayah mene sing rame'
\nkasebute' koran online
\nsing diarani jaman digital.

Slamet lan sukses kanggo kang Aryadi
\nkoran online wis mletek seki
\nyakuwe AyoTegal.com arane'
\nmoga-moga sedulur kabeh
\nketambahan ilmune'

Mumpung kelingan Bujang sag-seg mbuka undangan. Jebul acara puputan rong dina maning,tanggal siji wulan telu taun seki.

Mohammad Ayyub, Sastrawan Tegalan

AYO BACA : BMKG Peringatkan Angin Kencang Masih Terjadi di Tegal Raya, Ini Penjelasannya

   Ayo Bagikan!
Ayo Respon
   Komentar

Komentar sepenuhnya menjadi tanggung jawab pribadi seperti diatur dalam UU ITE

Komentar