[Cerita Tegalan] Syukuran

  Sabtu, 06 Maret 2021   Dwi Ariadi
Mohammad Ayyub, Sastrawan Tegalan.(dok)

AYOTEGAL.COM - Esih esuk Bujang wis ditelpon kang Atmo. Maksude' ngabari yen deweke' pan nei undangan syukuran. Sing nduwe gawe kang Maufur, mantan Rektor Universitas Pancasakti, uga mantan wakil walikota kaping siji tlatah Tegal.

Let sedelat kang Atmo kirim gambar undangane' lewat wa karo ana tulisan : Jang,undangan resmine' ngesuk tak ater.
\nBujang maca yen acara syukurane' kang Maufur dina Kemis wulan seki taun seki.

Tempate' nang umah mangan Familier wekene' kang Asmawi Azis,jam rolas awan pas wayah Dhuhur.

Acara pengsiun kang Maufur wis nyambet gawe sebage PNS attawa ASN wis patangpuluh taun. Wayahe' liren soale' rambut wis putih kabeh kari ngomong putu. Mung deweke' uwonge' ora bisa meneng utamane' bab nulis. Mulane' kanca-batir nyurung ben tetep mekarya ora kena liren.

Wis gemriyek tulisane' deweke'. Luwih-luwih bab basa lan sastra Tegalan. Ana obrolan Warung Poci nang salah sijine' koran regional. Uga kumpulan puisi sing bareng-bareng lan kumpulan wangsi,wangsalan puisi bareng kanca penyair liyane'. Cendeke' ora bisa dikandakena tur saking akehe'. Ora cukup ditulis selembar rong lembar.

Kang Atmo ngormati kang Maufur sing pengsiun ngadoni puisi sing lumayan dawa. Dawa judule' karo larike'. Judule' \" Serat Layangan lan Klapo Ijo Kanggo Kang Maufur. Sing ajib maning digawe apik model tanggalan jaman seki. Tres ana gambar deweke' karo kang Maufur.

AYO BACA : PMI Kabupaten Tegal Salurkan Air Bersih kepada Warga Terdampak Banjir di Desa Penujah

Bujang nyawang tanggalan nganti ora kede'p. Pancen artistik disawang ora mboseni. Ana-ana bae kang Atmo. Dasar uwong kreatip. Apa maningĀ  mbengi sedurunge' acara naskah puisine' dikirim maring Bujang. Pengakon deweke' puisi rampung wayah jam telu esuk. Ora nyana yen deweke' njaluk komentar lan kelebonane seka Bujang.

Bujang ngrajug krasa kesanjung. Endase' ndadak ngembang gede. Pengrasa meh sundul langit. Pengalaman ibarate' nembe seupil bab sastra Tegalan tibane' keder tok. Ora keder pimen wong pan ngomong apa ? wong akeh liyane' sing luwih pantes. Kang Maufur dewek sing olih julukan Filsus Sastra Tegalan,ana Begawan uga ana pa Presiden lan yu Dina melune seki doktor Sastra Tegalan seka Pekalongan.

Bujang uga ora nyangka gon acara pengsiunan kang Maufur ngundang penggede'- penggede' sing kasebute' Forkompinda. Sing ndedekna awake' deweke' kringeten sijine' bungah uga deg-degan. Yakuwe njagong semeja adep-adepan karo Forkompinda. Jejere' nggawe atine' Bujang nyap-nyapen. Ana rektor UPS,ketua Yayasan UPS,kang Maufur dewek lan jejere' maning Wakil Walikota seki,kang Jumadi.

Seumur-umur Bujang nembe ngalami sing ngebayangna be beleh wani. Metu nang impen ora keimpen pisan. Mulane' sedawane' acara kur dolanan hape. Adong dijak ngomong kurĀ  mantuk-mantuk,mesem lan metu omongane' ning ora iya attawa ora.

Neng kene kyeh Bujang pengine' acara age'-age' pragat. Ana ndadak kepoyuh ana keding sampe' klalen pesene' kang Aryadi. Kon dipoto-poto mengko digawe brita.

\"Aja klalen Jang. Nang acarane' kang Maufur dipoto-poto\".

Mohammad Ayyub, Sastrawan Tegalan

AYO BACA : PPKM Mikro Diperpanjang Lagi hingga 22 Maret

   Ayo Bagikan!
Ayo Respon
   Komentar

Komentar sepenuhnya menjadi tanggung jawab pribadi seperti diatur dalam UU ITE

Komentar